Vat ‘n Bietjie van Riaan Benadé is No 1, Afrikaans Top 100

Afrikaans Top 100 – 18 Junie 2021

Hierdie week op die Afrikaans Top 100.

Riaan Benadé se nuutste musiekvideo vir Vat ‘n Bietjie sorg dat hy sy tweede No 1 treffer op die Afrikaans Top 100 bekom hierdie week. Vat ‘n Bietjie het hierdie week ‘n totaal van 104 936 kyk gekry dis ‘n styging van 16.41% teenoor die vorige week se 90 142.

Appel se Dina sak een posisie terug na No 2, na die liedjie drie weke op die No 1 posisie was. Dina het hierdie week 99 795 kyk gekry, dis is basies dieselfde hoeveelheid as die vorige week. Funky van Biggy (feat. Jack Parow, Loufi & beatsbyhand) klim na die pad na No3 na die liedjie se musiekvideo vrygestel was. Die 83 199 kyk wat die musiekvideo gekry het het is ‘n 110.73% verhoging teenoor die vorige week se 39 481 kyke.

Boerenooi van Appel klim hierdie week na No 4, die liedjie het ‘n 109% groei getoon in die totale hoeveelheid kyke wat die liedjie gekry het.

Spontaan van Riaan Benadé is hierdie week op No 5. Reën se Vrystaat Vlaktes sak terug na No 6 na die liedjie verlede week op No 2 geboer het. Boer Is ‘n Bok van Appel wat verlede week op No 7 begin het behou sy posisie op No 7.

Want Jy Weet van Juan Boucher is op No 8 hierdie week, dit is die liedjie se agste nieopeenvolgende week in die Top 10. Hier Sal Jy Boer van Appel sit voort die neiging van stadig maar seker af te gly op die trefferlys, hierdie week sak die liedjie vanaf No 4 na No 9. Die liedjie het sy eerste twee weke op No 1 gespandeer en het daarna grond begin verloor.  Bernice West se Sonop-Blom is terug in die Top 10 op No 10.

Gebeure buite die Top 10:

Ons het Gewen van Francois van Coke maak sy debuut op die Afrikaans Top 100 op No 15. Hardekole van Ricus Nel, Adam Tas, Bok van Blerk & Refentse klim vanaf No 41 na No 24. Trou van Juan Boucher val vanaf No 8 na No 51.

Nuwe liedjies op die trefferlys:

• Hou Die Hemel Oop van Riana Nel op No 91

Statistieke hierdie week:

• ‘n Totaal van 718 liedjies het hierdie week gekompeteer vir ‘n plek in die Top 100.
• Al 718 liedjies het ‘n gekombineerde kyke van 513 349 002
• Die totale nuwe kyke van die 718 liedjies hierdie week was 3 963 428 waarvan 2 928 386 behoort aan die liedjies in die Top 100.

Die Afrikaans Top 100 is ‘n opvolg van die vorige Top 40 wat deur Reputasie saamgestel was vanaf 22 Mei 2020 tot 18 Oktober 2020. Die historiese data word in die Afrikaans Top 100 vasgevang.

Die Afrikaans Top 100 meng ‘n verskeidenheid van faktore om die grootste liedjies elke week saam te stel. Die data is gebaseer op data wat van YouTube genereer word van amptelike – musiekvideos en – klank vrystellings. Die trefferlys volg ‘n skedule van Vrydag tot Donderdag.

Afrikaans Top 100 - 25 Junie 2021