Sien die Kraakvars Top 40 Jaareinde Trefferlys se grootste liedjies hier!
Die einde van 2022 is hier. Die jaar het Afrikaanse musiek weer ‘n herlewing beleef met soveel nuwe kunstenaars wat die mark betree het. Die Kraakvars Top 40 is begin in September 2020 met die doel om gevestigde, onafhanklike, en nuwe kunstenaars op een trefferlys vas te vang. Met ‘n weeklikse publikasie rotasie, hardloop die observasie periode elke week vanaf Vrydae tot Donderdae, en dan word die trefferlys gepubliseer op die eerste Sondag na die observasie periode.
Om die 2022 Kraakvars Top 40 se grootste treffers te bereken, het ons na die aantal weke gekyk wat die liedjie op die trefferlys verskyn het en dan 40 punte gegee vir elke week, en dit by mekaar getel. Dan het ons die som totaal elke liedjie se posisie vir elke week by mekaar getel, en dit afgetel van die totale punt wat gekry is vir elke week op die trefferlys. So het ons die Kraakvars Top 40 Jaareinde Trefferlys saamgestel vir 2022.
Die Kraakvars Top 40 liedjie van die jaar is Hey Sonneblom van Droomsindroom. Droomsindroom het op die perfekte tyd hul eerste enkelsnit vrygestel. Die broer-duo se sukses word toegeskryf aan hul deursettingsvermoë, werksetiek, deur genuine nice ouens te wees, en hul toegewyde aanhangers. Hey Sonneblom was ‘n totaal van 35 weke op die trefferlys, 12 weke op No 1, 16 weke in die Top 5, en 24 weke in die Top 10.
John Rock Prophet se My Blom lê tweede op die jaareinde trefferlys. Hierdie liedjie was ‘n totaal 35 weke op die trefferlys, waarvan 8 weke op No 1, 20 weke in die Top 5 en 20 weke in die Top 20.
Die prins van Afrikaanse musiek, Eloff het die musiek arena laat in 2021 betree met sy eerste enkelsnit, Johnnie Blou, maar dit was sy derde enkelsnit Witblits wat hierdie jaar getriomfeer het. Witblits is die 3de grootste liedjie op die Kraakvars Top 40. Witblits het ‘n totaal van 25 weke op die trefferlys gespandeer, het op No 2 sy hoogtepunt bereik het vir drie weke, 13 weke in die Top 5, en 18 weke in die Top 10.
Marissa het twee liedjies op die jaareinde trefferlys van die Kraakvars Top 40, op No 4 is Kaalvoetliefde. Hierdie liedjie het al ‘n totaal van 34 weke op die trefferlys gespandeer, 1 week op No 1, 3 weke in die Top 5, en 13 weke in die Top 10. Bietjie Dronk wat Marissa se tweede enkelsnit is, is op No 9. Bietjie Dronk het 22 weke op die trefferlys gespandeer, op No 4 hoogtepunt bereik het, 8 weke in die Top 5 en 12 weke in die Top 10.
Die Rap-duo KUIERKOORS se Sterre is op No 5. KUIERKOORS bestaan uit Lil Jayy en Donnevin de Bruin. Sterre was ‘n totaal van 31 weke op die trefferlys, het op No 2 hoogtepunt bereik het, 3 weke in die Top 5, en 10 weke in die Top 10.
Barto Swiegers se debuut enkelsnit, H2Oë is die 6de grootste liedjie op die Kraakvars Top 40 hierdie jaar. H2Oë is al ‘n totaal van 18 weke op die trefferlys, 4 weke op No 1, 15 weke in die Top 5 en 17 weke in die Top 10.
Lyfstraf van Bjarne X Snacci is die sewende grootste liedjie op die Kraakvars Top 40. Lyfstraf is al 26 weke op die trefferlys, die liedjie het op No 2 sy piek bereik, 6 weke in die Top 5, en 15 weke in die Top 10.
Prop se debuut enkelsnit Kwaaitjie het die pret terug gebring in 2022, hierdie liedjie is No 9 op die eindjaar trefferlys. Kwaaitjie het al 22 weke op die trefferlys gespandeer, 4 weke op No 1, 6 weke in die Top 5, en 11 weke in die Top 10.
Die Top 10 word voltooi deur Gian Groen se Lonely Troebadoer. Hierdie liedjie het ‘n totaal van 21 weke op die trefferlys gespandeer, waarvan 1 week op No 1 was, 6 weke in die Top 5, en 13 weke in die Top 10.
Luister hier na die Kraakvars Top 40 Jaareinde Trefferlys op Spotify:
Jy kan die volledige Kraakvars Top 40 Jaareinde Trefferlys hier sien:
Kraakvars Top 40 - Jaareinde 2022
| No | Liedjie | Kunstenaar | Weke op Trefferlys | Hoogste Posisie | Weke Op No 1 | Weke in Top 5 | Weke in Top 10 |
| 1 | Hey Sonneblom | Droomsindroom | 35 | 1 | 12 | 16 | 24 |
| 2 | My Blom | John Rock Prophet | 35 | 1 | 8 | 20 | 20 |
| 3 | Witblits | Eloff | 23 | 2 | 0 | 13 | 18 |
| 4 | Kaalvoetliefde | Marissa | 34 | 1 | 1 | 3 | 13 |
| 5 | Sterre | KuierKoors | 31 | 2 | 0 | 3 | 10 |
| 6 | H2Oë | Barto | 18 | 1 | 4 | 15 | 17 |
| 7 | Lyfstraf | Bjarne X Snacci | 26 | 2 | 0 | 6 | 15 |
| 8 | Kwaaitjie | Prop | 22 | 1 | 4 | 6 | 11 |
| 9 | Bietjie Dronk | Marissa | 22 | 4 | 0 | 8 | 12 |
| 10 | Lonely Troebadoer | Gian Groen | 21 | 1 | 1 | 6 | 13 |
| 11 | Tussen Die Lyne | Jan Blohm & Ryno Velvet | 23 | 5 | 0 | 1 | 9 |
| 12 | Skobbejak | Reen (feat. Refentse) | 23 | 10 | 0 | 0 | 1 |
| 13 | Sexy Selfie | Bjarne Songs | 17 | 2 | 0 | 1 | 5 |
| 14 | Kaap | Ryno Velvet & Jan Blohm | 15 | 2 | 0 | 4 | 5 |
| 15 | Poetry | Ashton Wheeler | 22 | 5 | 0 | 1 | 2 |
| 16 | Foto's | Dodo Nyoka | 9 | 1 | 3 | 9 | 9 |
| 17 | Jagvat | Jan Rhaap | 10 | 2 | 0 | 4 | 10 |
| 18 | Plaaslewe | Anlia Star | 11 | 1 | 1 | 2 | 5 |
| 19 | As Ek Jou Onthou | Stefan Jansen | 17 | 1 | 2 | 3 | 5 |
| 20 | Net Een Keer | Samantha Leonard | 10 | 1 | 1 | 6 | 8 |
| 21 | Kopskud Revolusie | Droomsindroom (feat Spoegwolf) | 15 | 4 | 0 | 1 | 4 |
| 22 | Vergaan | Tasha | 15 | 6 | 0 | 0 | 5 |
| 23 | My Nannas | Wikus Botma | 11 | 4 | 0 | 1 | 2 |
| 24 | Afrika Son | Droomsindroom | 14 | 1 | 1 | 2 | 3 |
| 25 | Panado Vir Die Pyn | Mionette | 15 | 2 | 0 | 1 | 3 |
| 26 | My Bok | Wouter van der Venter | 9 | 2 | 0 | 2 | 5 |
| 27 | Bosveld Vakansie | Prop | 10 | 4 | 0 | 1 | 7 |
| 28 | Bella | Droomsindroom | 13 | 6 | 0 | 0 | 5 |
| 29 | Sex in Afrikaans | Angie oeh | 9 | 1 | 1 | 4 | 5 |
| 30 | Lieflik | Elandre | 13 | 3 | 0 | 1 | 1 |
| 31 | As Die Plaas Byt | Marissa | 10 | 8 | 0 | 0 | 2 |
| 32 | Katools | Kevboii | 10 | 7 | 0 | 0 | 2 |
| 33 | Waars Jou Nanas | Meneer Cee, DaLootz, Jay Music, Shay Moc | 13 | 5 | 0 | 1 | 2 |
| 34 | Ek Wens | Ray Dylan | 9 | 3 | 0 | 2 | 2 |
| 35 | Alles Gee | Jemma Catherine | 9 | 3 | 0 | 3 | 4 |
| 36 | Jy is My Huis | Dodo Nyoka | 8 | 7 | 0 | 0 | 3 |
| 37 | Bokswyn | Caroline Grace | 16 | 6 | 0 | 0 | 1 |
| 38 | Hobo-Hallelujah | Rudi Claase | 16 | 4 | 0 | 1 | 2 |
| 39 | Almal Het Iemand | Jemma Catherine | 7 | 2 | 0 | 2 | 5 |
| 40 | As Jy Praat | Dodo Nyoka | 8 | 5 | 0 | 1 | 3 |