Riaan Benadé, die bekende Afrikaanse sanger en liedjieskrywer, is terug met nuwe musiek ná vier jaar se wag. Sy debuut-album, Spontaan, het in 2020 verskyn en hom vinnig as een van die top kunstenaars in Suid-Afrika gevestig.
Sy tweede enkelsnit van die nuwe album, Die Lot, heet Stoom en is pas vrygestel. Dit gaan oor die dinamika van huwelike, wat enige ouderdom van pare insluit.
“Die liedjie handel oor hoe om verhoudings lewend te hou en sorg vir ‘n opwindende aspek om verveling te voorkom,” verduidelik Riaan.
Die liedjie is in samewerking met Paulo Azevedo geskryf, en Riaan se eie huwelik met sy vrou, Melissa, het as inspirasie gedien. Die liedjie dra baie betekenis vir die paartjie, aangesien dit hulle benadering tot hul eie huwelik weerspieël. Daarbenewens gee dit ‘n aanduiding van die rigting van sy nuwe album.
Stoom het ‘n musiekvideo wat by Ons Tuis Emily Hobhouse in Pretoria en die Bronkhorstspruit Dam geskiet is. Die video is op YouTube beskikbaar en is vervaardig deur Eric Graham en Tehan Buys. Melissa Benadé maak ‘n verskyning in die video, wat ‘n humoristiese draai bevat, en die aktrise Edrien Erasmus verskyn as die matrone.
“Die video volg ‘n verhaal van twee ouer mense in ‘n ouetehuis wat besluit om te ontsnap vir ‘n piekniekuitstappie,” verduidelik Riaan.
Die Lot word is op 12 April vrygestel en bevat tien snitte, insluitend drie samewerkings: Hemel en Hel saam met Demi Lee Moore, Vertrou My saam met Marno van der Merwe en Georic Lomas, en Ken Jy Die Land saam met sy pa, Franna Benadé. Laasgenoemde is ‘n verwerking van die bekende FAK-liedjie met dieselfde naam.
Kyk die musiekvideo vir Stoom hier:
Riaan noem sy optrede by Afrikaans is Groot in 2022, sy voorprogram vir Kip Moore, en sy duet met die internasionale countryster Ian Munsick as hoogtepunten van sy loopbaan. Hy beplan om meer musiek te skryf en uit te voer in die toekoms.