Moses Metro Man is terug na twee jaar met ‘n nuwe enkelsnit, Lief & Leed. Die snit is verseker ‘n vertrek van die klank waarvoor die groep bekend is. Terwyl die snit veilig speel met geen wilde eksotiese klanke nie, draai dit volume knop hoog. Met ‘n sterk tenoorstem, mannekoor, elektriese snaareffekte, dromme en aan die einde ‘n kerkorrel – Moses Metro Man haal die artillerie uit en skiet vir die maan met Lief & Leed.
Die groep, wat tans besig is om aan ‘n nuwe album te werk het Lief & Leed in Maart 2020 geskry as die eerste snit vanaf die nuwe album. Die snit handel oor die gevoel en emosies wat ‘n mens beleef wanneer iets in die lewe nie uitwerk nie en wanneer mens iemand moet groet.
Van links: Lolke-Louis Claassen, Johan Viljoen, Jako Meyer, en Benjamin De Jager. Foto: Hein Kruger
“Die herinneringe sal altyd by ’n mens bly, en daardie persoon se ‘footprint’ is vir altyd deel van jou lewe. Ek voel mens moet dit koester en daarvoor dankbaar wees. Ons almal leer bymekaar.” sê die groep se voorsanger, Jako Meyer.
“Ons almal moes al iemand groet, vir verskeie redes. Daarom glo ek meeste mense sal met LIEF & LEED aanklank kan vind.”
Lief & Leef is beskikbaar op alle digitale platforms.
Aanhangers kan uitsien na ’n nuwe Moses Metro Man album, wat so gou as moontlik na die inperking opgeneem sal word vir vrystelling later in 2020.