Die veelsydige akteur, vervaardiger, liedjieskrywer en sanger, Marno van der Merwe, het onlangs sy nuwe liedjie Uit My Lyf bekend gestel. Die 38-jarige kunstenaar, wat ‘n gevestigde naam in die vermaaklikheidsbedryf is, deel sy passie vir musiek met sy gehoor deur hierdie treffende nuwe enkelsnit.
Marno van der Merwe is bekend vir sy verhoog-, TV- en fliekrolle, maar musiek bly een van sy grootste liefdes. Hy het reeds sukses behaal as liedjieskrywer, waar hy bekende Afrikaanse treffers soos “Vat ‘n Bietjie” en “Rowwe Bliksem” in samewerking met Riaan Benade geskep het. Hierdie keer het hy egter, saam met Riaan Benade, ‘n treffer vir homself geskryf.
Die liedjie Uit My Lyf handel oor die gevoel van onvermoeë om iemand uit jou gedagtes te kry, soos ‘n verslawing. Dit is ‘n universele tema wat mense se harte sal raak en herinneringe aan spesiale mense sal oproep.
Marno het beskryf dat die liedjie eerlik is en ‘n bietjie anders as wat tans in die Afrikaanse musiekscene is. Hy glo dat dit mense onmiddellik sal herinner aan iemand spesiaal in hulle lewens.
Die musiekvideo van Uit My Lyf is uniek en vat die Afrikaanse musiekbedryf dalk ‘n bietjie buite hul gemakzone. Dit illustreer die marteling wat gepaard gaan wanneer jy nie kan ophou dink aan of verlang na iets wat jy nie uit jou lewe kan verwyder nie. Dit bied ‘n vars en interessante perspektief wat luisteraars en kykers sal prikkel.
Kyk die musiekvideo hier:
Marno van der Merwe se loopbaan strek verder as slegs musiek. Hy is gebore en grootgeword in Rustenburg en het reeds ‘n indrukwekkende verskeidenheid prestasies behaal. Hy het sy talent vir sang, dans en toneelspel ontwikkel van jongs af. Sy strewe na sukses was oorspronklik gerig op ‘n loopbaan in rugby, maar sy liefde vir die vermaaklikheidsbedryf het gelei tot sy sukses in die wêreld van musiek, verhoogwerk en fliek.
Marno het opgetree in verskeie produksies, waaronder “Robinson Crusoe”, “Hartland”, “Pretville”, en “Die Ballade van Robbie de Wee”. Hy het ook as mede-skrywer en regisseur van die TV-fliek “Uit Die Kaskenades” gedien. Sy mees onlangse rol was in Netflix se eerste Afrikaanse reeks, “Ludik”.
Buiten sy kunstenaarsloopbaan is Marno ook ‘n besige besigheidsman met ‘n met ‘n paar besighede wat hy bestuur, waarvan een ‘n bemarkings en events besigheid is.