Na die sukses van haar vorige liedjie, Bokswyn, is Caroline Grace terug met ‘n tipiese tong-in-die-kies-liedjie genaamd Kortbroek. Die liedjie fokus op Suid-Afrikaanse mans se genetiese aanleg vir groot of mooi bene en kuite, en die alomteenwoordige kortbroek wat hulle graag dra, selfs in die koudste weer. Dit is ‘n eg Suid-Afrikaanse liedjie wat beslis ‘n blik sal vang.
Die idee Kortbroek het ontstaan tydens ‘n toevallige gesprek oor hoe opvallend Suid-Afrikaanse mans lyk in kortbroeke. Die lirieke verwys ook na beurtkrag en Charlize Theron se opmerking dat slegs 44 mense in die wêreld Afrikaans praat. Hoewel dit nie spesifiek vir Caroline se man geskryf is nie, klink dit asof sy direk oor hom sing.
Caroline en haar span het weer ‘n liedjie geskep wat kers vashou by haar vorige enkelsnit, “Bokswyn”, wat deur die publiek baie goed ontvang is. Dit is ‘n liedjie wat skop inhet, laat lag en jou aanspoor om nie die lewe te ernstig op te neem nie.
Die musiekvideo vir Kortbroek is ‘n slim konsep waarin die bekende Boerboel Wear-handelsmerk betrokke is. Die video wys ‘n manlike model wat ‘n kortbroek dra terwyl hy deur die dag stap en speel. Die video is humoristies en fassinerend en sluit aan by die liedjie se tema.
Kyk die musiekvideo hier:
Caroline se kenmerkende helder stem en emosiebelaaide benadering is die perfekte pasmaats vir hierdie liedjie en die eindresultaat sal luisteraars van die eerste noot af in vervoering hê.