Die veelsydige kunstenaar, Armand Joubert het pas sy heel eerste RnB kort album, Left with a Broken Heart vrygestel. Met hierdie album vertel hy sy waarheid oor hartseer en deel die stryd. Die eerste enkelsnit van die album, Unfold het aanhangers aan die gons gehad oor die vooruitsig van nuwe musiek.
Alhoewel die meeste van sy nuwe projek suiwer RnB is met klanke wat geïnspireer is deur van sy gunsteling kunstenaars uit die 90’s, soos; Babyface, Toni Braxton, Michael Jackson, Brandy en Mariah Carey. Het Armand sy eerste enkelsnit van die kort album, Unfold aangekondig, met meer as ‘n disko gevulde klank met ondertone van Pop- en RnB-elemente. Die lied is vervaardig deur die bekroonde sanger/liedjieskrywer en vervaardiger “Sloani” van David Gresham Records.
Unfold gaan oor die frustrasie waarvoor ‘n mens te staan kom as jy in ‘n verhouding is en iemand nie eerlik met jou is nie, of dit nou vriendskap of romanties is. Armand vertel oor die inspirasie van die liedjie: “Ek het al so lank probeer om vas te hou aan wat dit gaan oor sekere mense wat my afskrik en waarom ek hulle nie kon vertrou nie. En ek het die gevolge daarvoor emosioneel betaal, GROOT TYD. Volg altyd wat jou hart vir jou sê, want die duiwel vermom homself soms in die lig en ons word uiteindelik seergemaak deur mense van wie ons dit nie verwag het nie, maar op die een of ander manier het ons geweet dat dit sou gebeur omdat mens dit binne jou voel. Vertrou jou gut-feeling.”
Armand wat groot naam gemaak het met die gewilde TV reeks, The Voice se stem ondersteun die R&B genre bitter goed. Met sy 5 oktaaf omvang kan hy emosie op baie maniere weergee wat die luisteraar vir lank geïnteresseerd hou.
Left with a Broken Heart is beskikbaar op alle digitale platforms
Sosiale Media: Facebook | Instagram | Twitter