Suzette Weideman het onlangs haar enkelsnit Sonder Jou vrygestel.
Sonder Jou beskryf die emosionele reis van mense wat ‘n traumatiese en gebreekte verhouding agter die rug het. Dit vang die gevoelens van hartseer, woede, alleenheid, en uiteindelik aanvaarding op wat mense mag ervaar in hierdie situasie. Die liedjie toon ‘n duidelike progressie van emosies wat weerspieel word deur die woorde en die klank daarvan. Byvoorbeeld, die lirieke “Eers moet ek myself bevry, my misdade teenoor jou belei” illustreer die innerlike worsteling van genesing en die erkenning van eie foute teenoor die ander persoon.
Dit liedjie dat vergifnis nie net aan die ander persoon toegedraai word nie, maar dat selfvergiffenis ook ‘n belangrike aspek van die genesingsproses is. Die hoop is dat teen die einde van die liedjie die luisteraar sal besef dat dit aanvaarbaar is om nie “okay” te wees nie, maar dat daar steeds ruimte is om die ander persoon vry te spreek en met begrip en voorwensels verder te gaan, selfs as die genesingsproses nog nie voltooi is nie.
Suzette is op 6 Julie 1994 in Pretoria gebore. Van ‘n jong ouderdom af het Suzette opgetree by verskeie plaaslike feeste, talente-skoue en Eisteddfods in haar tuisdorp, Middelburg Mpumalanga. Nadat sy haar graad in Finansiële Rekeningkunde aan die Noordwes-Universiteit van Potchefstroom behaal het, het sy ‘n paar jaar lank op haar loopbaan as ‘n Professionele Rekenmeester gefokus.
Op 11 Junie 2022 het Suzette haar eerste optrede gehad by ‘n plaaslike fees genaamd “Oes-Af Fees”, wat gereël is deur die plaas waar sy as finansiële bestuurder op die Lang Tom Pas werk. Sedert sy in Junie 2022 op die verhoog begin optree het, het Suzette opgetree by verskeie plaaslike vermaaklikheidsplekke, kroeë en feeste in en om Lydenburg.
Mense beskryf haar musiek en liedjieskeuses as pret en nostalgies, aangesien sy hulle terugneem in die tyd met liedjies deur Eurythmics, Roxette, Bryan Adams, Johnny Cash en Dolly Parton. Haar meer onlangse keuses sluit liedjies in deur Riana Nel, Demi Lee en Liesel Pieterse.
Sonder Jou is beskikbaar op alle digitale platforms.