Reputasie het onlangs bietjie gesels met die manne van Posduif. Lees ‘n bietjie meer oor hul nuwe album.
Wat was die inspirasie agter die liedjie “BRANDSTIGTER” en hoe het julle die idee ontwikkel?
Die album bestaan uit nege stories vanuit ons lewens en dinge wat ons sien en ervaar. En daar is lekker kuierliedjies waar ons geïnspireer is deur goeie vriende en lekker tye en waar ons net wil saamdans en saam met mense wees wat ons geniet.Ander liedjies gaan oor dinge van die hart en oor diepvoel en omgee en liefwees. So dis juis wat dit lekker maak om ‘n album te skryf – jy het die vryheid om oor al die goed te skryf. ‘n Hele boek vol stories van jou lewe.
Hoe voel julle oor die reaksie van aanhangers op julle nuwe enkelsnit tot dusver?
Om Musiek te skryf en n album uit te bring, is om ‘n stukkie van jou siel te deel. Ons hoop natuurlik altyd dat mense van ons Musiek hou, maar niks kom by die gevoel van mense wat saam dans en sing nie. Ek raak so opgewonde as ons liedjies se lirieke iets vir iemand beteken en hulle dit hulle eie maak. Met dit gese, voel ons baie teverede met die publiek se reaksie op die nuwe album.
Hoe het julle die proses van liedjieskryf en produksie ervaar vir hierdie album, veral met die samewerking van die hele groep?
Ek en Nick Jordaan skryf meeste van Posduif se liedjies, maar ons was baie bevoorreg om op hierdie album te kon werk saam met die res van die groep ook. Ons het ‘n skryfkamp gedoen waar ons weggegaan het na ‘n Wildsplaas. Dit was een ongelooflike ondervinding gewees. Verder het ons ook saam met die baie talentvolle Nate Woodman, Kosie van Niekerk, Ernst Kleinhans gewerk. Die album is gemeng deur Hugo Ludik by sy studio Muse Studios.
Wat was die mees uitdagende deel van die skeppingsproses van die nuwe album?
Ek bly in die Kaap en die res van die band is in Johannesburg so om by mekaar te kom is partykeer moeilik. Dit werk soveel beter om saam te dit en deur alles te werk maar party keer moet ons apart werk en dan dat almal na die tyd insette lewer.
Hoe verskil hierdie nuwe album van julle vorige werk?
Ons het na die eerste album 3 enkelsnitte uitgebring met n meer lewendige popklank. Ons het van ons styl gehou, maar wou meer bied – hierdie album is nader aan alternatiewe pop. Beide die lirieke en melodiee van ons liedjies is vir ons baie belangrik en ons is baie tevrede met die klank wat ons met Brandstigter geskep het.
Hoe het julle die luistersessie by Whisk Wine Bar op 3 April ervaar en watter terugvoer het julle van die gaste ontvang?
Dit was ‘n ongelooflike aand en ons was stomgeslaan en so dankbaar vir die ongelooflike ondersteuning van al ons vriende in die industrie. Die terugvoering was so ver bo ons verwagtinge. Dis ‘n aand wat ons nooit Sal vergeet nie.
Watter liedjies op die nuwe album is julle persoonlike gunstelinge en hoekom?
Al die liedjies is regtig ons gunstelinge maar daar is drie liedjies wat vir ons baie spesiaal is. “ Kaalvoet Kinders” vat my terug na my kinderdae toe ek groot drome gedroom het en die mooiste sonsak-tonele op die plaas geniet het. “Geniet Die Dans” is baie na aan my hart, want dis vir my kinders geskryf en dis my raad aan hulle vir hull ewe vorentoe. “Houer van jou geheim” praat enigiemand wat al ooit alleen gevoel het – en verseker die luisteraar dat hulle geliefd is.
Luister na Brandstigter hier: